பாருக்குள் ஓர் தேசம்

பாருக்குள் ஓர் தேசம்
பாசத்தில் என்னை வளர்த்த தேசம்
இன்று அதுவே எனக்குத் தூரதேசம்.

கண்ணுக்கு விருந்து

தூரதேசத்தில் கண்ணுக்கு விருந்து,
என் கன்னிவிழியில் கணணிமொழி மட்டுமே!

விழிக்கொரு தேசம்

உன் விழிக்கொரு தேசம்,
எம் மொழிக்கொரு தேசம்,
இன்னுமா அது தூரதேசம்!

விழிகள் பேசிய புதுமொழி

நீ ஒரு தேசம் - உன் மொழி எனக்குப் புரியவில்லை
நான் ஒரு தேசம் - என் மொழி உனக்குப் புரியவில்லை
எம் விழிகள் பேசியது புதுமொழியில், ஆனால்
இம் மொழி மட்டும்
நம் தூரதேசத்து உறவுகளுக்கு
புரியாமல் போனது ஏனோ?

மொழிக் ஒரு தேசம்

மொழிக் ஒரு தேசமாம், ஆனால்
எம் மொழிக்கு மட்டும் தேசங்கள் தூரமாம்.

பிறந்தது ஓர் தேசம்

பிறந்தது ஓர் தேசம்,
வளர்ந்தது ஓர் தேசம்,
இருப்பது ஓர் தேசம், ஆனால்
என் மனம் வாழ நினைப்பது மட்டும்
தூரதேசம்.

உனக்கொரு தேசம்

உனக்கொரு தேசம், எனக்கொரு தேசம், நம் வாழ்க்கைக்கு அதுவே தூரதேசம்.

உன் தேசம்

உன் தேசம் எனக்குத் தூரம்
என் தேசம் உனக்குத் தூரம், இன்று
எம் தேசமே நமக்குத் தூரதேசம்.

சொந்தங்கள் வாழும் தேசம்

சொந்தங்கள் வாழும் தேசம்
சோகத்தில் பாடும் தேசம்
பாசத்தை பருகும் தேசம்
நேசத்தை நெருடும் தேசம்

உயிர் வாழ ஓர் தேசம்

உறவுகளுக்காக ஓர் தேசம்,
உணர்வுகளுக்காக ஓர் தேசம்,
உணர்ச்சிகளுக்காக ஓர் தேசம்,
உயிர் வாழ ஓர் தேசம்,
என் மனதில் மட்டும்,
எல்லாத் தேசமும் தூரதேசம்!

நம் தேசக் காற்று

நம் தேசக் காற்று பட்டதும்
விழியால் இணைந்தோம், பின்
மொழியால் கலந்தோம், ஆனால்
இன்று வேறு வழியின்றி, வாழுகின்றோம்
தூரதேசமொன்றில்.